Leygardagin 20. januar verður fyrsta umfar í árligu kappingini hjá Venjarafelag Føroya, VFF Cup. Lagt verður fyri í Fuglafirði ímóti ÍF.
Vikuskiftið eftir taka vit ímóti Víkingi á heimavølli. Síðani koma tveir dystir á útvølli ímóti ávíkavist NSÍ, EB/Streymi, áðrenn vit enda heima ímóti 07 Vestur.
Finaluumfarið verður spælt 12. februar.
Skráin sær soleiðis út:
- Leygardag 20. januar – ÍF-HB
- Leygardag 27. januar – HB-Víkingur
- Leygardag 3. februar – NSÍ-HB
- Leygardag 10. februar – EB/Streymur-HB
- Mikudag 14. februar – HB-07 Vestur
- Leygardag 17. februar – Finaluumfar
Klokkutíðir verða ásettar, tá vit nærkast dystardegi.
Veður og annað kann ávirka, og tí skal skráin takast við fyrivarni.
Ikki alment skrásettir dystir
Dystirnir í VFF Cup telja ikki sum almennir dystir, og tí verða dómaraseðlar ikki skrivaðir. Men FaroeSoccer fer at skráseta lyklahendingar sum:
- Fyrstu 11
- Hvør kom inn (líkamikið nær, og líkamikið hvør fór út)
- Hvør kom ikki inn
- Málskjúttar (og nøkulunda minutttøl ella raðfylgjan bara)
- Dómarar
Hettar telur tó ikki við í almennu hagtølunum hjá feløgum og spælarum.
