René Shaki hevur undirskrivað nýggjan 2-ára sáttmála við HB. René kom heim aftur til HB í summar, eftir nøkur ár uttanlanda. Hann var darvaður av skaða í 2019, sum førdi við sær at hann bert spældi 10 dystir í reyðu og svørtu blusuni, harav 8 frá byrjan. Men nú er hann við at vera klárur aftur, og hann gleðir seg at koma ordiliga í gongd aftur.
– Avgerðin um at velja at halda fram í HB var løtt. Eg trívist sera væl her, og eg eri jú uppvaksin her. HB er mítt felag.
Nú René hevur undirskrivað nýggjan sáttmála, byrjar hópurin av álvara at taka skap, áðrenn nýggi venjarin, Jens Berthel Askou, tekur við 1. desember.
