Jóhanna Fossdalsá Sørensen er úttikin til danska U16-landsliðið við gentum. Hon spældi við HB fram til 2018, tá familjan flutti til Danmarkar. Síðani hevur hon spælt við Vildbjerg SF Elite.
At fótbóltsevnini hjá Jóhannu eru framúr, hevur ongantíð verið nøkur loyna. Tí umframt at spæla við gentuliðum, spældi hon eisini mangan á dreingjaliðum, har hon einki stóð aftanfyri við- og mótleikarar.
Danska U16-landsliðið luttekur í UEFA menningarkapping í Onglandi, har mótstøðuliðini vera Ongland, Spania og USA. Vit ynskja henni til lukku við úttøkuni, og bestu eydnu við landsdystunum.
