Í hesum døgum er WU17 landslið okkara í Bulgaria til EM-undankapping. HB eigur tveir leikarar í hópinum, talan er um Miru B. Laursen og Fríðu M. Jakobsen. Føroyar spældu leygardagin móti Kroatia, og tann dystin vann Kroatia sera tepurt 1-0. Seinni dystur teirra verður í morgin móti Bulgaria. Vit fara at ynskja Miru og Fríðu bestu eydnu.
Tær fýra, Teresa, Gunnvá, Lea og Astrid eru við U19-landsliðnum í Litava, har EM-undankapping er á skránni. Tær hava spælt tveir dystir. Tær vunnu tann fyrra ímóti Litava 3-1, og taptu annan dystin ímóti Íslandi. Síðsti dystur á ferðini verður mánadagin, tá tær spæla ímóti Liktinstein.
Kvinnulandsliðið hevur tveir vinardystir á skránni seinni í juni, tá Andorra kemur á vitjan. Dystirnir verða spældir 25. og 28. juni, og Lene B. Terp, landsliðsvenjari hevur úttikið 22 spælarar til dystirnar. Millum tær 22 eru fýra úr. Tær eru Sarita Maria Mittfoss, Rúna Jacobsen, Rebekka Klein Olsen og Ása Stórá Carlsen
Rebekka og Ása eru úttiknar fyri fyrstu ferð. Sarita hevur spælt 17 landsdystir, meðan Rúna fekk sín fyrsta landsdyst í februar, tá hon kom á vøllin í venjingardystinum ímóti Gibraltar.
Føroyska A-landsliðið við monnum skal aftur í eldin í juni mánað, tá UEFA Nations League byrjar aftur. Talan er um eina drúgva skrá, tí heili 4 dystir eru á skránni. Landsliðsvenjarin Håkan Ericson hevur úttikið 23 spælarar, har ímillum 4 HBarar: Teit, Daniel, Hørð og Ára. Byrjað verður í Turkalandi, áðrenn landsliðið kemur heim til Føroya at spæla ímóti Luksembourg og Litava. Síðsti dysturin er á útivølli ímóti Luksembourg. Skráin sær soleiðis út: 4. juni Turkaland – Føroyar 7. juni Føroyar – Luksemborg 11. juni Føroyar
Landsliðsvenjarin hjá U15-dreingjum, Jógvan Martin Olsen, hevur úttikið 18 spælarar til EfB Spar Nord Elite Cup, sum verður í Esbjerg frá 23. til 29. mai. Millum teir úttiknu eru teir 5 HBarnir Silas B. Joensen, Rani Johannessen, Teitur Bogason, Dávid Reynheim og Dánial Mørkøre (vantar á myndini). Í kappingini verður spælt móti donskum feløgum, umframt at lið úr Noregi, Svøríki og Týsklandi onkur ár eisini luttaka. Vit ynskja teimum góðan túr og bestu eydnu í kappingini.
Millum teir 20 spælararnar, sum eru úttiknir til UEFA menningarkappingina hjá U17-dreingjum, eru 6 HBarar. Teir eru: Pætur Róason Andrass Henriksen Jónas Samuelsen Djóni Samuelsen Baldur Niclasen Thomas Bjørn Miezan Kappingin verður í Estlandi mánaðarskiftið apríl/mai, har føroyska U17-landsliðið skal spæla ímóti Estlandi, Kasakstan og Ný Kaledónia. Mynd: FSF
Føroyska U21-landsliðið vann í kvøld 1-0 á útivølli ímóti Norðurmakedonia. Sigursmálið skoraði Stefan uppá brotsspark tíðliga í seinna hálvleiki, eftir at hann sjálvur var blivin feldur. Hetta var 5. landsliðsmálið hjá Stefan, og harvið er hann mest skorandi spælarin á U21-landsliðnum. Umframt Stefan, so spældi Hanus eisini allar 90 minuttirnar, meðan Bjarti sat á bonkinum, uttan at verða skiftur inn. Mynd: portal.fo
Tá føroyska A-landsliðið spældi venjingardyst ímóti Liktinstein, bleiv Adrian skiftur inn í seinna hálvleiki, og fekk harvið sínar fyrstu minuttir á A-landsliðnum. Heri, Daniel og Heðin blivu eisini skiftir inn í seinna hálvleiki. Dysturin endaði 1-0 til Føroyar.
Í døgunum 3. – 11. apríl skal U16-landsliðið við gentum luttaka í menningarkapping í Bosnia & Herzegovina. Landsliðsvenjari Sigtór A. Petersen hevur úttikið 20 leikararnar, har ímillum 7 gentur úr HB. Tær eru: Anna Stórá Carlsen Borghild Debes Dánjalsdóttir Katrin Hansen Mira Bendix Laursen Fríða Magnusardóttir Jakobsen Helena Dahl Magnusardóttir Ró Reginsdóttir
Tvær stórar avbjóðingar eru fyri framman hjá føroyska U21-landsliðnum við monnum, tá teir seinni í hesum mánaðinum skulu spæla EM-undankappingardystir ímóti Fraklandi og Norðurmakedonia. 21 spælarar eru úttiknir, og millum teirra teljast liðskiparin Stefan, Áki og Bjarti. Stefan hevur fingið eina góða byrjan uppá kappingarárið, og hevur skotið trý mál í landskappingini. Áki er eisini komin væl frá byrjan, og var ,saman við Stefan, sera eyðsýndur ímóti NSÍ, har tað eisini eydnaðist honum at skjóta mál. Føroyska U21-landsliðið hevur staðið seg væl
og á:
