Í dag bleiv gamla HB-húsið, sum seinnu árini hevur verið kallað Bridgehúsið, rivið niður.
Húsið, sum HBarar í sveittabroti bygdu mitt omaná Havnará í sekstiárunum, tænti felagnum væl, til flutt var niðan í nýggja og núverandi HB-húsið við ovara vøll. Meðan vit hildu til her, vórðu vunnin heili 9 meistaraheitir og 15 steypakappingar.
Nakrir eldri HBarar vóru møttir, og fingu ein síðsta rundtúr, áðrenn grabbin bleiv settur í. Dúliga bleiv tosað og reypað, og røvarasøgurnar fingu næstan ongan enda, nú menn mintust aftur á gamlar dagar.
Myndir: Ólavur Frederiksen / Tórshavnar Kommuna
