| M | T | M | H | F | L | S |
| |
|
1 |
2 |
3 |
4 |
5 |
| 6 |
7 | 8 |
9 |
10 |
11 |
12 |
| 13 |
14 |
15 |
16 |
17 |
18 |
19 |
| 20 |
21 |
22 |
23 |
24 |
25 |
26 |
| 27 |
28 |
29 |
30 |
|
|
|
|
|
|
16. umfar - ólavsøkuaftan, mikudagin 28. juli 2010 kl. 18.30 í Gundadali
HB - B71
0-1 Símun Hansen 45
1-1 Fróði Benjaminsen (br.) 59
1-2 Tomas Hans Rubeksen 76
Liðið: Tórður Thomsen – Vagnur Mohr Mortensen, Þórur S. Hreiðarsson, Rógvi S. Holm, Hendrik Rubeksen - Rógvi Poulsen, Kristin R. Mouritsen, Fróði Benjaminsen (liðsk.), Símun Samuelsen, Levi Hansen - Andrew av Fløtum
Óbrúktir eykaleikarar: Marcin Dawid, Óli Arge og Kári Nielsen
Á beinkinum: Kristján, Jóannes, Gudrid, Jan F. og Ólavur
Gul kort: Fróði Benjaminsen, Andrew av Fløtum og Hendrik Rubeksen
Reyð Kort: -
Dagsins maður: Rógvi Poulsen
Dómari: Eiler Rasmussen
Hjálpardómarar: Jens Albert Simonsen og Regin Egholm
Sandoyingar spiltu spælið
Triði ósigurin í ársins Vodafonedeild var tíverri veruleiki á sjálvum tjóðarhátígardegi okkara. Í fagrastu líkindum í Gundadali, megnaði B71 tað óvæntaða. Við frálíkum verjuspæli, ágrýtnum skjótálopum og væl stuðlaðir av øllum uttan okkara egnu áskoðarum kláraðu teir at binda fyri, samstundis sum vit ikki megnaðu at seta trumf á.
 | Tekstur: Jónfinn Petursson
Myndir: Heðin Weihe
Síggj myndarøð frá dystinum her. |
Triði ósigurin er veruleiki, hóast tað skuldi verða so óluksáliga nógv annaleiðis, um tað gekk sum ætlað. Tað gjørdi tað ikki og enn hava vit ikki rættiliga funnið uppskriftina hvussu vit skulu lata tíggjumanns verju upp. Royni við langskotum næstu ferð.
Sandoyingar skulu tó hava rós uppiborið fyri frálíkan hugburð. Sum tað sæst á myndini omanfyri stóðu fleiri ferð fleiri manns í málinum.
Símun Hansen legði gesirnar framum við dundur langskotið beint fyri hálvleik. Beint á tímaslagnum javnaði Fróði Benjaminsen við brotssparki eftir at Vagnur var feldur. Vit løgdu nógv trýst á, men oftast uttan serligt mið, júst sum á Argum á sinni.
Í 76. minutti hendi tað ið ikki mátti henda. B71 leggur seg á odda eftir skjótt mótálop. Dómarin kundi eins væl dømt brotsspark, men valdi, sum rætt var, at lata fyrimunin koma gestunum til góða.
Hetta steypið fingu vit so ikki, tí tá Eiler bríklaði av fyri síðstu ferð, høvdu vit ikki megnað at skora útjavnandi málið. Tí standa vit í sama stað sum undan dystinum.
Longu sunnudagin skulu vit aftur á vøllin, tá framskundaði dysturin ímóti ÍF verður leiktur. Vónandi við betri úrsliti. Skál og góða ólavsøku.
KOYR Á, HB !!!! |
|
|
