| M | T | M | H | F | L | S |
| |
|
1 |
2 |
3 |
4 |
5 |
| 6 |
7 |
8 |
9 |
10 | 11 |
12 |
| 13 |
14 |
15 |
16 |
17 |
18 |
19 |
| 20 |
21 |
22 |
23 |
24 |
25 |
26 |
| 27 |
28 |
29 |
30 |
|
|
|
|
|
8. umfar - sunnudagin 16. mei 2010 kl. 15.00 í Fløtugerði
ÍF - HB 2-1 (2-0)
1-0 Øssur M. Dalbúð 14
2-0 Andy Ó. Olsen 29 (br.)
2-1 Rógvi Poulsen 74
Liðið: Marcin Dawid – Pætur Jørgensen, Tórður Hreiðarsson, Hans á Lag (Rógvi Holm 56), Vagnur Mohr Mortensen - Fróði Benjaminsen (liðsk.), Milan Kulic, Levi Hanssen (Kári Nielsen 90), Rógvi Poulsen, Símun Samuelsen - Hendrik Rubeksen (Tór-Ingar Akselsen 56)
Óbrúktir eykaleikarar: Símun Rógvi Hansen og Jógvan Skeel Nolsøe
Á beinkinum: Kristján, Jóannes, Jan F., Kaj Niclasen og Gudrid Nolsøe
Gul kort: Marcin Dawid og Milan Kuljic
Reyð Kort: -
Dagsins maður: Rógvi Poulsen
Dómari: Rúni Gaardbo
Hjálpardómarar: Johnleif Gerðisá og Jan Gardar
Fyrsti ósigurin í ár
Vit hava tapt okkara fyrsta dyst í ársins Vodafonedeild. Hóast vit royndu at venda gongdini í seinna hálvleiki, var skaðin longu gjørdur í fyrra hálvleiki. Heldur ikki hesuferð fingu vit nakað heima við aftur úr Fuglafirði. Ivasama brotssparkið í fyrra hálvleiki gjørdist avgerandi. Vertirnir kendu sína vitjunartíð og fingu sigurin í hús.
Veit ikki um ÍF-arin ætlar at skifta blusu áðrenn dysturin er liðugur. Haldi, haldi ikki...
 | Tekstur: JP og EH
Myndir: Heðin Weihe
Síggj myndarøð frá dystinum her |
Nú eru góðar tíðir hjá gravaranum. ÍF hevur enn einaferð vunnið ímóti HB og nú bíða vit bara eftir nær fløgan kemur út. ÍF slapp at leggja seg framum longu tá 14 minuttir vóru leiktir. Jan Ellingsgaard spurtar fram í síðuni og sleppur at leggja eitt innlegg til handaru stong. Har takkar Øssur Dalbú fyri og skallar bóltin í netið.
Vit tóku eitt sindur yvir nú, men broddurin hevur ikki verið eyðsýndur í ár og var tað heldur ikki í fyrra hálvleiki í dag. Hinvegin kundu fuglfirðingar økja um leiðsluna tá Rúni Gaardbo gevur vertunum brotsspark eftir sera ivingarsamt horna. Andy Olsen takkar fyri gávuna og skorar trygt.
Seinni hálvleikur var betri. Í 74. minutti minkaði dagsins maður Rógvi Poulsen um munin. Tór-Ingar roynir seg men Jákup bjargar. Rógvi er á returinum og minkar um munin.
Nú løgdu okkara meiri fyri og vertirnir lúrdu upp aftur meira á skjótálop. Vit mundu fingið eina stigi við okkum, men Jákup Mikkelsen var fyri tá Símun royndi seg bein áðrenn dómarin bríkslaði fyri seinastu ferð.
Hetta var so okkara fyrsti ósigur í ár og meir er ikki at siga um tað. Annan hvítusunnudag, mánadagin 24. mei skulu vit í eldin aftur. Vit taka ímóti B36 og staðfestast kann bara at tað eru tvey særd djór sum bresta saman. Livst so spyrst.
Vit vinna sum lið og vit tapa sum lið og nú er bara at hyggja frameftir. Enn eru tvey stig niður til næstu liðini og gongst sum ætlað kunnu vit staðfesta okkara støðu annan hvítusunnudag.
KOYR Á, HB !!!! |
|
|
