5. umfar - sunnudagin 2. mai 2010 kl. 15.00 í Streymnesi
EB/Streymur - HB 0-1 (0-1)
0-1 Rógvi Poulsen 27
Liðið: Marcin Dawid – Pætur Jørgensen – Tórður Hreiðarsson – Hans á Lag – Vagnur M. Mortensen - Fróði Benjaminsen, liðsk. - Milan Kulic - Levi Hanssen (Kári Nielsen 87) – Rógvi Poulsen – Símun Samuelsen – Andrew av Fløtum (Tór-Ingar Akselsen 45)
Eyka uttan at koma inn: Símun Rógvi Hansen – Rógvi S. Holm – Hendrik Rubeksen
Á bonkinum: Kristján Guðmundsson – Jóannes Jacobsen – Kaj Niclasen - Jan Falkenberg
Gul kort: Vagnur M. Mortensen, Doddi og Símun Samuelsen
Dagsins maður: Rógvi Poulsen
Dómari: Eiler Rasmussen
Hjálpardómarar: Regin Egholm og Jens Albert Simonsen
Nú byrjar at líkjast... Í eitt sindur keðiligum veðurlíkindum við Margáir í dag, har regnælingur var javnur gestur, møttust tveir av FM-kandidatunum í ársins Vodafonedeild. Í einum rættuliga jøvnum dysti ognaðu vit okkum tey trý so týdningarmiklu stigini og anda nú grannarnar alvorliga í nakkan á einum deildum fyrsta plássi.
 | Tekstur: Eyðun Hansen
Myndir: Heðin Weihe
Myndarøð frá dystinum kann síggjast her. |
Áðrenn dagsins dyst lógu okkara menn 3 stig frammanfyri sundalagsmennirnar, sum heldur ikki í ár hava fingið tað bestu byrjanina uppá kappingina. Hinvegin hava okkara menn heldur ikki víst okkum áskoðarum hvat vit vita at teir kunnu og duga. Vit eru ikki í iva um at vit hava eitt gott lið við nógvum góðum bóltspælarum, og tá tað kemur glið á spælið, so kann tað røkka langt.
Í dag sóu vit eitt broytt HB lið, har serliga verjan, við Hans og Dodda á odda, fingu líkasum lagt meira ró yvir verjupartin. Pætur var aftur á “sínum” plássið á høgra bakki, meðan Vagnur var á vinstra bakki. Burtursæð frá einum tíðarskeiðið í seinra hálvleiki har Eb/Streymur royndi at trýsta á, fyri at fáa eitt útjavnandi mál, so stóð verjan sera stinn í dag. Deiligt at síggja.
Á miðjuni arbeiddu teir knallhart alla tíðina, og var tað ikki ofta at EB/Streyma spælararnir sluppu at spæla seg ígjøgnum miðjuna. Í álopinum royndu Símun og Andrew at leggja trýst á EB/Streyma spælararnar langt uppi á vøllinum.
Um dystin er at siga, at tað var ein nokkso javnur dystur, men har okkara menn høvdu rættuliga gott tak á gjøgnum næstan allan dystin. Sum omanfyri nevnt, so var tó ein løta í seinra hálvleiki har EB/Streymur trýsti nógv fyri av javna út leiðsluna sum vit høvdu fingið í fyrra hálvleiki, eftir at Rógvi Poulsen var spældur fríur, og einsamallur móti málmanninum gjørdi hann tað, sum gerast skal: skora!
Sum seinri hálvleikur gekk móti endanum, var tað ikki so løgið at okkara ikki vildu satsa alt ov nógv frammeftir, og tá teir 6 minuttirnir, sum Eiler hevði lagt afturat, vóru gingnir, vóru tað fegnir leikarar og áskoðarar sum kundu fegnast um ein fínan dyst og 3 stig afturat á kontuna.
Samanumtikið vann tað grammara liðið, og var tað ein fragd fyri okkum áskoðarar at síggja innsatsin í dag. Flott, flott, flott allan vegin ígjøgnum. Vit gleða okkum longu til næsta sunnudag, tá toftamenn koma á vitjan í Gundadali.
Koyr á HB!
|
