dystarfrásøgn

Stórsigur, uttan at imponera

At vinna 6-0 uttan at imponera, er kanska at strekkja tað í so langt. Men tað er kenslan eftir dagsins dyst.

Spælið var øgiliga trilvandi at byrja við. Vit høvdu bóltin, men komu ikki fram til nakrar møguleikar. Spælið gekk kanska í so seint, til at kunna opna kompaktu ÍF verjuna. Og tað skuldi eisini ein hjálpandi hond, ella høvd, áðrenn vit løgdu okkum á odda. Eitt innlegg úr vinstru varð ov høgt til at Ari kundi fáa høvdi á. Men aftanfyri hann kom ein ÍF’ari flúgvandi, og stútaði í kassan til 1-0.

Enn ein javnleikur

Fyri fimtu ferð í ár, og aðru ferð ímóti NSÍ, mugu vit taka til takkar við javnleiki.

Hóast leikliga yvirvág, megnaðu vit ikki at hála øll trý stigini við til Havnar. Ein sera lívligur Pætur legði okkum á odda, tá tað restaðu gott og væl 10 minuttir av seinna hálvleiki. Teitur spældi ein langan bólt fram, NSÍ málverji og verjuleikari fingu ikki avstemmað støðuna, og Pætur takkaði fyri.

Nulloysn í slagnum um Havnina

Uttan mál vinnur man ikki dystir. Banalur orðaskvaldur, tó ikki ósatt av tí orsøk.

Javnleikur, hóast leikliga yvirvág

Hóast vit svumu í møguleikum, rakk tað bert til javnleik ímóti Linfield

Men tað byrjaði ikki sum ætlað. Longu í 1. minutti kom Linfield á odda 1-0. Eitt innlegg úr høgru endaði fyri føturnar á Andy Waterworth, sum smekkaði bóltin í kassan. Hetta var sum at fáa ein vátan vøtt beint á trýnið.

So nær við, og tó...

Hóast vit eina løtu trúðu uppá tað, so var langt á leið at vit spældu okkum víðari í Champions League. Ístaðin eitur tað Europa League fyri okkara viðkomandi.

Trivaligur sigur í "lítlu" grannauppgerðini

Seinasti dystur áðrenn summarsteðgin, endaði við einum tryggum 5-0 sigri AB.

Felags fyri teir síðstu 4 dystirnar hjá okkum er, at tað er komið mál innan 5 minuttir. Og soleiðis var aftur í dag. Beint áðrenn klokkan rundaði 5. umfar, hevði Ari lagt okkum á odda 1-0.

Tryggur sigur á Skála

Í góðveðrinum á Skála avgjørdu vit alt í fyrra hálvleiki, tá vit otaðu okkum nærri toppliðunum.

Stórsigur í Fuglafirði!

Lagið er gott, nú vit koma suður aftur til Havnar við trimum stigum og 5 málum.

Vit løgdu okkum á odda longu í øðrum minutti, tá Hørður varð hægstur, og stútaði eitt hornaspark frá Adrian í netið. Hansara fyrsta mál fyri HB. Bara tríggjar minuttir seinni skoraðu vit til 2-0, tá Ari við høvdinum beindi eitt perfekt innlegg frá Daniel í málið.

Tíggju mál í Gundadali!

Ari Mohr Olsen skeyt hattrick, tá vit tryggjaðu okkum trý stig í sannari málveitslu í Gundadali.

Dysturin var ikki meira enn byrjaður, tá fyrrverandi HB’arin, Arnbjørn Hansen, legði gestirnar á odda við einari sannari perlu. Adrian javnaði við enn einari frísparksperlu, men bara fá sekund seinni var Arnbjørn aftur á blettinum og skoraði til 1-2. Um onkur helt at tað var ringt at fylgja við, gjørdi Ari tað ikki lættari tá hann bara tveir minuttir seinni javnaði til 2-2. 17 minuttir spældir, og 4 mál!

Vit eru í steypafinaluni!

Við málið í síðsta minutti, sendi Ari okkum í finaluna í kappingini um Løgmanssteypið. Hóast KÍ vardi við øllum teir hava lært, hava teir ikki lært at verja seg ímóti Ara.

Dysturin var øgiliga taktiskur, har KÍ einans hevði áhuga í at verja drála. Og hóast yvirvág í spæli, høvdu vit ilt við at finna hol í kompaktu KÍ-verjuni. Sum dysturin leið, løgdu vit meira trýst á, og gjørdu eisini nakrar broytingar, millum annað við at senda Hørð longur fram á vøllin.

Síður

Zircon - This is a contributing Drupal Theme
Design by WeebPal.